Lingua materna

Chara lingua da la mamma,
tü sonor rumantsch ladin,
tü favella dutscha lamma,
o co t‘am eu sainza fin!
Im teis suns cur eir‘ in chüna
m‘ha la mamma charezzà
|: e chanzuns da l‘Engiadina
ill‘ uraglia m‘ha chantà :|

M‘hast muossà cum viv‘ al grezia
mia patria ad amar
seis eroes, sa belleza
in chanzuns a dechantar.
Da l‘âmur la dutscha brama
hast express tü e guidà
|: Hast nudri la soncha flamma,
chi‘m rendaiv‘ usché beà. :|

Sco il chant da filomela
am parettast tü sunar,
cur alur in ma favella
meis infants sentit tschatschar.
Millieras regordanzas
svagl‘ in mai teis pled sonor
|: svaglia saimper veglias spranzas,
chi ün di han moss meis cour. :|