Blueme

Me g'seht viel truurigs wee mer dur's Läbe gaht.

D'Lyt plagid enand und sie wärche sich z'leid

we me de im Sarf lyd am Läbesänd

drücke sie eim nu schnell Blueme i d'Händ.

Es git Mänge dä hed nüt s'Lache da

und es git Vieli, die chend das nid verstah,

de isch es guet wenn me drüber nachedänkt

und merkt dass me Blueme de Läbige schänkt

 

Drum bring mier Blueme so lang i Freud cha ha

und nid ersch denn wenn i muess vo dr gah.

Und hät's im Läbe halt nid sellä sy

bruch i au kei Blueme wenn i gstorbe bi.

 

Es bruichti hie und da es frundlichs Wort

scho nume äs Lächle, das hilft sofort

und wend mier einisch Blueme gisch

lueg dass's nid ersch ufem Friedhof isch

Für s'goldigi Chalb, für die heilig Chue,

macht mänge alles und hed doch nie gnueg,

er macht der by de andere s'Läbe schwär

und chunnt wenn's z'spat isch mit Blueme derhär.

 

|: Drum bring mier Blueme so lang i Freud cha ha

und nid ersch denn wenn i muess z'Bode gah.

Und hät's im Läbe halt nid sellä sy

bruch i au kei Blueme wenn i gstorbe bi. :|